సహనముతో అనేది కేవలం పాట మాత్రమే కాదు, ఇది నా నిరీక్షణకు సమాధానం, వాగ్దానం, ప్రార్థన. ఈ పాటను పూర్తి చేయడానికి నాకు దాదాపు 8 నెలలు పట్టింది, ఒక్కో లైన్ ఒక్కో అనుభవం.
అకస్మాత్తుగా నేను అనారోగ్యం అనే లోయ గుండా వెళ్ళవలసి వచ్చింది, నా ఆరోగ్యం కోసం నేను దేవుని ప్రార్ధించాను. 7 నెలల తర్వాత "నిశ్చయముగా నీకు స్వస్థత కలుగును" అని దేవుని నుండి వాగ్దానం పొందుకున్నాను, నాకు వెంటనే స్వస్థత వస్తుంది అని భావించాను,కానీ దేవుని సమయం నా ఆలోచనలకు భిన్నంగా ఉంది.
ప్రతిరోజూ స్వస్థత కోసం ప్రభువు సన్నిధిలో ఏడ్చాను, నేను అద్దంలో చూసుకున్న ప్రతిసారీ నిరాశకు గురయ్యాను.
నేను ఆందోళన, ఆత్మహత్య ధోరణులను ఎదుర్కొన్నాను, భయంతో బాధపడ్డాను, నయం కాలేదనే భయం, తిరస్కారం, మరియు నా భవిష్యత్తు గురించిన భయం. 18 నెలలకు పైగా నేను నిద్రలేమితో బాధపడ్డాను (నిద్రలేని రాత్రులు, ఇది వ్యాధా, రుగ్మత లేదా నా కలతపెట్టే ఆలోచనలా అర్థం కాలేదు).నేను అన్ని రకాల మందులతో చికిత్స పొందాను, కానీ ఏదీ నన్ను నయం చేయలేదు. ఈ ఆలోచనలు నన్ను చాలా కలవరపెట్టాయి, దాని కారణంగా నేను ఆందోళన దాడులకు గురయ్యాను. ఈ రోజు నేను ఈ జబ్బులన్నింటికీ వాటి నిబంధనల ప్రకారం పేరు పెట్టగలిగాను కానీ ఆ రోజు అవి ఏమిటో , ఎందుకు జరుగుతుందో నాకు అర్ధం కాలేదు.
నా వాగ్దాన నెరవేర్పు కోసం ఎదురుచూసి అలసిపోయి, ఒకరోజు నేను చాల బాధపడ్డాను, ప్రభువా నన్ను ఈ రోజే స్వస్థపరచు అని అడిగాను. దేవుడిని వేడుకుంటూ మళ్లీ మళ్లీ ప్రార్థించాను. ‘నేనేం చేయాలనుకుంటున్నావు’ అని రాత్రంతా దేవుడిని అడిగాను.
పొద్దున్నే బరువెక్కిన గుండె తో లేచాను, నా బైబిల్ మరియు నోట్బుక్ తీసుకొని 40వ కీర్తన తెరిచాను (రోజువారీ భాగం).
ఈ మాట నన్ను ఆకట్టుకుంది, నేను మళ్ళీ మళ్ళీ చదివాను,” ఇదే నువ్వు చేయాలనుకుంటున్నాను” అని లోపల నుండి ఒక మెల్లని స్వరం నాకు వినిపించింది. నేను దేవుని కొరకు ఓపికగా వేచి ఉండాలని అర్థం చేసుకున్నాను. నేను లేచి నా గదిలోకి నడిచి కిటికీలోంచి ఆకాశం వైపు చూస్తూ ‘ ప్రభూ, నేను నీ కొరకు సహనముతో కనిపెటుకొందును’ అన్నాను ఆ క్షణంలో నా గుండెలోని భారం దిగిపోయింది.
నాకు తెలియకుండానే నోరు తెరిచి పాటలోని మొదటి పంక్తులను బిగ్గరగా పాడాను.
నేను నా డైరీని తెరిచి, ఈ మాటలు వ్రాసాను, ఆ తర్వాత నెలల్లో మిగిలిన చరణాలను జోడించాను.
నేను ఈ పాటను “ఎ జర్నీ “అని వ్రాసాను , ఎందుకంటే ఇది దేవుని ఉద్దేశ్యం యొక్క పరిపూర్ణత లోనికి నన్ను నడిపించింది. మొదటి 2 చరణాలు మీరు ఇప్పటివరకు చదివిన పోరాటాన్ని వివరిస్తాయి.
నేను కోవిడ్ బారిన పడి,ఊపిరితిత్తుల ఇన్ఫెక్షన్తో బాధపడ్డాను. ఊపిరితిత్తుల ఇన్ఫెక్షన్ కారణంగా నాకు శ్వాస ఆడకపోవడం, ఛాతీ నొప్పి ఉండేది. నేను 30 రోజుల పాటు క్వారంటైన్లో ఉన్నాను, నయం కాదేమోనని మరణ భయం నన్ను వెంటాడేది.
ప్రతి రాత్రి పడుకునే ముందు నేను ఈ వాక్యం చదువుతూ నన్ను బ్రతికించమని మరో రోజును ప్రసాదించమని దేవుని వేడుకున్నాను. ఉదయాన్నే సూర్యుని కిరణాలు నా కిటికీ మీద పడటం చూసి నేను చాలా సంతోషించి కృతజ్ఞతతో దేవున్ని స్తుతించాను. నేను రేపటి విలువను అర్థం చేసుకున్నాను మరియు నా ఫోన్లో ఈ లైన్లను వ్రాసాను.
దేవుని దయ వల్ల నేను ప్రమాదం నుండి బయటపడ్డాను, తీవ్రమైన జుట్టు రాలడం, గొంతులో అసౌకర్యం, ఛాతీ నొప్పి, ఊపిరి ఆడకపోవడం, అలసట వంటి సమస్యలు ఉన్నప్పటికీ, దేవుడు నాకిచ్చిన ప్రాణాన్ని బట్టి ఆయన స్తుతించడం ఆపలేదు.
నా జీవితంలో జరిగిన ఈ ఎపిసోడ్ నన్ను విశ్వాసంలో తదుపరి అడుగు వేసేలా చేసింది.
స్వస్థత కంటే, దేవుని ప్రేమ మరియు దయ నన్ను ఎప్పటికీ మరచిపోలేవని ,ఆయన దృష్టిలో ఉన్నాను అని నన్ను నేను ప్రోత్సహించుకుంటూ సహనముతో 3వ చరణాన్ని వ్రాసిన క్షణం ఇదే. వాగ్దానాన్ని మించి నేను దేవుని అంతులేని ప్రేమను విశ్వసించాను.
పోరాటం ఇంకా కొనసాగుతూనే ఉంది, అనారోగ్యపు ఛాయలు నా మొహం పై కనిపించేవి,ఎవరైనా వాటి గూర్చి ప్రశ్నించినప్పుడు నేను చాలా కృంగిపోయే దాన్ని. అలా ఒక రోజు, బ్రేక్ ఫాస్ట్ చేస్తున్నప్పుడు హాల్లో నుండి దేవుని వాక్యం వినిపించింది, అది విన్నప్పుడు, 2019లో దేవుడు నాకు ఇచ్చిన వాగ్దానం గుర్తుకు వచ్చింది. నేను వెంటనే ,నా గదిలోకి వెళ్లి బైబిల్ తెరి చి చూసాను. అవును అది అదే అధ్యాయం అదే వచనం….
సహనముతో 4వ చరణాన్ని వ్రాసిన క్షణం ఇదే.
దేవుడు నన్ను మరచిపోలేదని మరోసారి గుర్తు చేశారు. దేవుడు వాగ్దానం చేసి దాన్ని తప్పక నెరవేర్చువాడు. అనేకమార్లు ‘నా సమయములో నేను అన్నిటిని నూతన పరుస్తాను‘ అని భరోసా ఇచ్చారు. ఆ రోజు నుండి ఇప్పటివరకు వెనుతిరగలేదు. నేను ఎదురుచూసిన అన్ని కాలాల పంటను తప్పక దేవుడు ఇస్తారని ఓపికతో కనిపెట్టుకుంటున్నాను .ఆమెన్.
నమ్మిక ఉంచండి , ఎందుకంటే మన దేవుడు శాశ్వతమైన ప్రేమ మరియు దయ కలిగిన దేవుడు. తనపై నమ్మకం ఉంచిన తన పిల్లలను అయన ఎన్నటికీ విడిచిపెట్టడు. భూమి ఆకాశాన్ని నోటి మాటతో కలుగజేసిన సృష్టికర్తకు అసాధ్యమైనది ఏదైనా ఉందా ? ఆయన తన సమయంలో ప్రతిదీ పునరుద్ధరిస్తాడు.
గుర్తుంచుకోండి,దేవుడు మీ పట్ల ప్రణాళిక కలిగి ఉన్నాడు. దేవుడు మీకు మంచి భవిష్యత్తును ఇవ్వబోతున్నాడు, సంతోషించండి మీ కొరకు దేవుడు గొప్పతలంపులు కలిగి ఉన్నాడు. ఏదీ ముగియలేదు , మీ అసాధ్యాల మధ్య ఆయన మీకు మార్గాన్ని చూపిస్తాడు.ఆమెన్.
మరికొంత కాలం వేచి ఉండేలా మీ ప్రయాణంలో నా కథ మిమ్మల్ని ప్రోత్సహించిందని ఆశిస్తున్నాను.
నా కథ మిమ్మల్ని ప్రోత్సహించినట్లయితే సందేశాన్ని పంపడం మర్చిపోవద్దు, మీ నుండి వినడానికి సంతోషిస్తున్న. నా మునుపటి బ్లాగులను చదవమని మిమ్మల్ని ప్రోత్సహిస్తున్నాను. ధన్యవాదాలు :)
